ال
حكايه من اولها احمد دخل شات وكان النك نم بتاعه روميو فضل يكلم ناس كتير لحد ما شاف جوليت الى هى تبقى ملك
اتكلم معاها اتعرفو على بعض اتشدو لبعض اتفقو يتكلمو فى التلفون اتكلمو فى التلفون اتصل احمد واتكلم معاها اول مكالمه كانت بينهم مدتها 360دقيقه بظبط كان احمد الى طالب طبعا على فكره كان تليفون منزل مش موبايل
فى ال360 دقيقه دول كانو عرفو كل حاجه عن بعض حسو انهم بيكملو بعض فضلو يتكلمو فى التليفون صبح وليل وعصر ومغرب كان بيتكلمو حوالى 15ساعه فى اليوم فضو مع بعض 6شهور على ده الحال اتفقو يتقابلو اكثر من مره لكن ربنا مكنش رايد مره احمد يروح متاخر فى الميعاد وملك تتاخر وتمشى ومره ملك تتاخر واحمد يمشى
كان فى يوم احمد مسافر اليكس وكانت ملك بقالها 3ايام مش بتتصل بيه كان قلقان اوى
المهم موبايل احمد رن ولقاها ملك كلمها بلهفا انتى كنتى فين انا كنت قلقان عليكى اوى بقالك فتره مش بتتكلمى
قالتلو اسفه اصلى انا مش فى القاهره انا فى اليكس
احمد مصدقش نفسه من الفرحه معقوله القدر يجمعنا فى مكان واحد من غير ما نتفق
المهم برضه محصلش نصيب انهم يتقابلو
رجع احمد القاهره وملك بعده باسبوع
قالو لبعض وحشتنى وحشتينى نفسى اغمض عينى والقيكى اودامى وانا نفسى افضل معاك طول عمرى
احمد وملك حبو بعض من قبل ما يشوفو بعض كان حب قوى من احمد والله اعلم من نحيا ملك
فى يوم ملك متصلتش باحمد واحمد بيتصل بيها الموبايل مغلق صبح وليل مغلق احمد جن جنونه مش عارف يعمل ايه
عد يوم اتنين تلاته اسبوع شهر شهرين تلاته اربعه خمسه واحمد بيبكى صبح وليل مش عارف يعمل ايه مع انه
معاه رقم بيتها بس من حبه ليها خاف يتصل عشان ميحصلش اى مشكله ليها حتى لو كان هيقول الرقم غلط خاف عليها من اهلها
مر 6شهور واحمد مش عارف يعمل ايه لسه بيفكر فيها رفض الارتباط باى بنت تانى لا قلبه قاله انها راجعه
فى يوم احمد ماسك موبايله وهو فى البيت وكان جمبه تليفون البيت بيحول فى الارقام الى عنده شاف رقم بيت ملك
قلبه قاله اتصل وعقله يقوله لا
رجح كفه قلبه وقال هتصل والى يحصل يحصل
اتصل وقلبه بيدق خايف حد غيرها يرد سمع صوت الوو
اجمل الو سمعها فى حياته طلعت ملك
قالتله مين معايا
قالها هقولك انا مين بس تسمعينى للاخر
قالت طيب انت مين
قالها انا احمد روميو
قالت احمــــــــــــــــــمد
انا مش مصدقه ثوانى خليك معايا
احمد انت لسه فاكرنى احمد بجد انا مش عارفه اتكلم احمد معقوله انت لسه فاكرنى
دموع احمد ردت على ملك قالها الى بيحب عمره ما ينسى حبيبه وانا حبيتك يا ملك
الفرحه الى احمد شافها فى صوت ملك وحسها بقلبه نسته يقولها انتى كنتى فين وعتى ليه
ملك قالتله الموبايل اتسرق منى وكان فيه ارقامك وكنت هتجنن واعرف اجيب رقمك
المهم انك رجعتلى ثوانى اجيب ورقه وقلم يا احمد وملينى ارقامك فضلو يتكلمو مع بعض شويه كل واحد يقول كان بيعمل ايه الفتره دى
تانى يوم موبايل احمد رن لاقاها ملك اتكلم معها قالتله انا عايزه اشوفك دلوقتى قالها انتى فين قالتله انا فى التحرير واحمد موجود فى عين شمس ومرتبط بمحل مشروع هو عامله محل برفانات قالها يا ملك مش هينفع دلوقتى انا فى المحل ومفيش حد معايا
قالتله خلاص انا هركب المترو واجيلك عين شمس وانت تجى تاخدنى من اودام المترو
راح احمد عشان يجبها من عند المترو كانت هى وصحبيتها صبى الروح
راح احمد سلم عليها هى وصحبيتها وعرفها وقالها انتى ملك
قالتله صح خدها وراح المحل
ملك فضلت مع احمد فى المحل من 1الظهر لحد 6المغرب
راح وصلها وركبت المترو واتصلت بيه لما روحت وطمنته انها وصلت
احمد اعتبر اليوم ده احسن يوم فى حياته كان بيتمنى انه ميخلصش
بعد كدا عد 4ايام وملك مش بتتصل
كان احمد وصحبيت ملك على اتصال دايم لكن احمد وملك لا
كان احمد وملك بيتقابلو صدفه فى المترو كل يوم وهما رايحين الجامعه
كان بيسلم عليها بقلبه لكن هى بتسلم بئديها
ايه الى حصل مش دى ملك الى احمد عرفها
ملك مش مهتمه بيه بتسلم عليه وهى مش عايزه
صبى واحمد بقو صحاب
لحد ما احمد قعد فى البيت يفكر فى الى بيحصل
هو فى ايه ؟
هى بتعاملنى كدا ليه ؟
هى اكيد مش عايزانى
يبقى انا خلاص لازم ابعد عنها لانى كرمتى مش هتسمحلى بكدا
تانى يوم احمد فى المترو شاف ملك وصبى طلع الموبايل من جيبه وهو بيقرب من نحيتهم عشان يعدى وميسلمش وعمل نفسه بيكلم اى حد وعده من جمبهم من غير ما يسلم
قال خلاص دى نهايتى معاهم وانا مش عايزهم
دى حكايه احمد وملك انته شايفين ايه فى الموضوع ده احمد غلطان ولا ملك ولا الموضوع نفسه يا ريت كل واحد يقول رائيه ويساعد احمد لانه هيشوف الموضوع ومستنى رددكم
تحياااااااتى
مشرف قسم الحب و الغرام و بجد انا مستنى ردودكم فى الموضوع دة بالزات ((((((zeezo
zoza)))))
موضوع: قصة حب احمد و مللك و يريت بجد تقراوها جامدة جدا و عاطفيةكمان 
الثلاثاء يونيو 26, 2007 2:23 pm
ادعيلى نتقابل يا زيزو