وكمان العناية بالقدمين دى من اهم واهم الضروريات اللى لازم تهتم بيها البنت مننا عشان تحافظ على نعومة القدم وشكلها الجميل
****************
البداية من أننا نلبس شوز مريحة أوى
ومنحاولش نلبس الكعب العالى لفترات طووويلة
(خصوصا وإن الكعب العالى للنساء لا يجوز وكلنا عارفين كدا لأنه بيلفت النظر بصوته وكمان بيدى خداع فى أنه بيعملها طول أطول من طبيعتها وكمان بتكون عرضة للتهلكة بأنها ممكن تقع تتقلب بيه)
إنتى كدا زى القمر
*****
طيب أنا جمعتلك اسهل وابسط طريقة وبعيد عن الكريمات واسمائها واللخبطة والكلاكيع والحاجات اللى تكسلنا نعمل اى حمام للقدم اصلا. ودى طريقتى الخاصة فى العناية بالقدمين
واسأل مجرب
وفى الاخر هقولك على مفاجئة تووووووووووووووووحفة
كله عشان خاطر القدم الغلبانة دى
**********
فى حمام مخصوص للقدمين
بتجهزى نفسك للحمام ده بأنك تدهنى القدم بالفازلين لمدة ساعة قبل ما نبدأ بالخطوات
وطبعا تلبسى شوراب أو كيس بلاستيك وتقفليه كويس على رجليكى عشان تتفتح مسام القدم وتستفيد من الفازلين
ملحوظة: الكيس يكون من نوع الكيسات اللى بتغلف علب الجبن اللى بنجيبها من السوبرماركت. تقريبا كدا اسمها كيسات نايلون
وبعدين تحطى القدم فى ماء دافئ لمدة عشر دقايق وبلاش ماء ساخن لانه بيعمل جفاف للقدم
وضيفى مع الماء الصابون الخاص بالقدم أو ( الشاور جيل العادى بتاعك)
وكمان ضيفى نقط من عصير الليمون . لأن بالمواظبه بيفتح الاماكن اللى اسمرت من القدم عشان لو حصل يعنى ولبستى سابووه مكشوف ( ملحوظة: أن القدم لحد الكعبين هى جزء لا يتجزأ من جسمك فلازم تغطيها زى ما بتغطى جسمك بالحجاب) وفقكى الله حبيبتى لكل خير
وكمان اضافة الليمون بيمنع اصفرار اظافر القدم
ولو ضيفتى بسيط من الملح بردو هيساعدك فى عملية تقشير الجلد الميت.
***
خلاص نشفى القدم كووويس وبعدين نيجى لمرحلة قص الاظافر
القص يكون بطريقة مستقيمة والاطراف تبرديها بالمبرد عشان تبعدى عن اى صعوبة فى فترة نموها بعد كدا.
****
بعدين رجعى رجليكى تانى فى الماء وافركيها كويس أوى أوى عشان تزيلى الجلد الميت
واذا كان كعب رجليكى فى تشققات طبعا تستخدمى المبرد الخاص بالكعبين أو الحجر البلدى ( انا بفضل الحجر البلدى عن الطبى والمبرد)
وكمان مش تستخدميه بصفة دايمة لأنه بالعكس ممكن يزود لك التشققات.
موضوع: حرام عليكوووو رجليكوووو 
الخميس يونيو 28, 2007 6:55 pm
